BUTUAN CITY – Gibasura sa International Criminal Court (ICC) Pre-Trial Chamber ang apela sa kampo ni kanhi Pangulong Rodrigo Duterte nga i-excuse ang duha ka judges gikan sa ruling sa hurisdiksyon of the tribunal kalabot sa kasong crimes against humanity nga iyang gi-atubang.
Madumdumang gihangyo sa kampo ni Duterte ang partial excusal nila Judge Reine Adélaïde Sophie Alapini-Gansou ug Judge María del Socorro Flores Liera sa isyu sa hurisdiksyon tungod sa posibilidad sa bias.
Sa upat ka palid nga desisyon nga pinetsahan og Mayo 6, giklaro sa chamber nga ang excusal sa huwis, mahimo lang pangayuon sa hingtungdang judge ngadto sa presidency, kondiin ang maong desisyon, gipirmahan ni Presiding Judge Iulia Antonella Motoc.
Nakalatid sa desisyon nga ang posibilidad sa maong indibdiwal pag-imbita o kaha paghangyo sa mga judges nga mangayo og excusal diha sa Presidency, dili ma-contemplate sa statutory texts, tungod kay wala’y preemptive request nga himuon sa mga partido mugna sa kakulang sa procedural propriety. 
Madumdumang giduso sa defense team ang ilang apela niadtong Mayo samtang ang prosecution team miduso usab sa ilang pagsupak niadtong Mayo 5.
