BUTUAN CITY – Midaug ang left-leaning politician nga si Anura Kumara Dissanayake sa presidential election sa Sri Lanka human sa makasaysayanong nga duha ka higayong iphanay sa boto kagahapong adlawa human nga wala’y bisan usa ka kandidato ang misakmit og 50-porsiento kapin nga gikinahanglang boto aron madeklarang mananaog.
Nasayrang sa first round, ang nag-unang gipili sa mga botante mao si Anura Kumara Dissanayake, usa ka leftist politician kinsa nanguna pinaagi sa nasakmit niyang 39.65% sa mga boto. Nagsunod kaniya si opposition leader Sajith Premadasa nga duna’y 34.09% sa kinatibuk-ang boto samtang si incumbent president Ranil Wickremesinghe misakmit lang og 17% sa boto nga maoy nagbutang kaniya sa ikatulong pwesto.
Sa ikaduhang round sa iphanay sa boto, nakuha na ni Anura ang dul-an 6-milyones ka mga boto kansa mao usab ang pinakataas. Gitimbaya usab kini sa incumbent President Wickremesinghe, kansa gilantaw sa mga analyst isip paradigm shift sa politika sa maong nasod.
