BUTUAN CITY – Gitun-an na sa Department of National Defense kon DND ang pagdugang og mga anti-missile system sa nasud alang sa gihingusgang modernisasyon ilabina pag-abot sa national resilience ug depensa tungod sa nagpadayong gubat sa tunga-tungang sidlakan.
Sigon ni Defense Sec Gilberto Teodoro, angayang seryusuhon ang ingon niini nga hulga ug sitwasyon aron mapakusgan pa ang depensa sa nasud ilabina kung mabati na nato ang maong tensyon.
Kinahanglan matud pa nga ang makuhaan sa maong sistema, kayang mu-supply bisan pa sa mga apiking sitwasyon.
Dugang sa kalihim, ilang nakat-unan sa natigayong tensyon karon sa Middle East, ang pagbaton gayod og dakong reserba sa krudo alang sa armadong kusog sa nasud apil na sa mismong buhatan sa Department of National Defense.
Kini aron magpadayon ang ilang misyon ug military operations.
Sa pagkakaron, padayon ang ilang pagpangita og pasilidad nga magsilbing tigumanan sa supply sa krudo ilabina alang sa ilang gamiton sa mga military operations.
