BUTUAN CITY – Gi-atangan na unyang gabii, ang usa ka annular solar eclipse o gitawag nga “Ring of Fire.”
Sumala sa mga Pagasa Astronomical Division, kini mahitabo bandang alas-7:13 sa gabi-i oras sa Pilipinas, ug molungtad sa kapin duha ka minuto ug 20 ka segundo sa peak stage niini.
Makita ang annularity sa pipila ka parte sa Antarctica, samtang masinati usab ang partial eclipse sa South Africa, South America, ug ubang parte sa Indian Ocean, Pacific Ocean, ug Atlantic Ocean.
Sa Pilipinas, dili makit-an ang nasangpit nga eclipse tungod kay wala sa path sa annularity ang nasud. Bisan paman, lauman nga mahimong sikat kini sa mga observatory ug scientific communities sa mga nasud nga sakop sa eclipse.
Gikonsidera sa mga eksperto nga importanteng higayon kini alang sa makuting pagtoon sa lihok sa adlaw ug buwan, lakip sa epekto sa eclipse sa palibot.
Nakadugang pa sa gikahinaman sa kadaghanan ang pagdungan sa eclipse sa Chinese New Year nga gihatagan sa mga observers sa nagkadaiyang pagpasabot.
Apan sigon sa state weather bureau, walay kalabutan ang eclipse sa nagsingabot nga bagyo o bisan unsang klase nga weather system.
Samtang sa panig sa Phivolcs, walay nakitang koneksyon ang pagbuto sa bulkan ug linog sa mga astronomical events.
