BUTUAN CITY – Nakalusot na sa final ug katapusang pagbasa ang Annual Investment Plan kon AIP ug annual budget sa Cabadbaran City, probinsiya sa Agusan Del Norte.
Kini human ang gipahigayong special session sa Sanguniang Panlungsod sa siyudad nga gipangunahan ni Konsehal Atty. Jerich Cuasito.
Sa pagkumpirma ni Board Member Loreto Maragañas , gibutyag niini nga daling napapasar ang AIP ug Annual budget sa dakbayan nga mukabat sa 560 milyones pesos tungod kay wala mitunga ang kaubanan nga supak niini.
Sa karun, gihulat nalang ang signatories sa Mayor sa napalabang nga sugyot adiser kini dalhon sa probinsiyal nga kagamhanan aron aprubahan.
Apan giklaro ni Maragañas nga dili kini pwedeng pug-ngan sa provincial government tungod kay gipangandoy man kini sa katawhan sa Cabadbaran City.
