BUTUAN CITY – Gikunsulta na ni Anne Curtis ang iyang mga abogado aron tun-an ang legal nga lakang nga iyang himuon batuk kang Quezon City 4th District Representative Bong Suntay human gisulti niini ang iyang pangalan sa usa ka gi-ingong sekswal ug bastos nga “analogy” sa House of Representatives.
Sa iyang Instagram post, gibutyag ni Curtis nga naghilom siya sa sinugdan kay mas gipili niyang ubanan ang iyang pamilya nga na-stranded sa Middle East apan karon nga nakauli na siya sa Pilipinas, kinahanglan na niyang mosulti, dili isip panimalos o drama, kondili tungod kay sayop matud pa nga magpabiling hilom siya alang sa iyang kaugalingon ug sa tanang kababayen-an nga nakasinati sa ingon niini nga sitwasyon.
Gikondena usab sa aktres ang pamahayag sa kongresista ug gitawag kini nga “bulgar ug sexualized,” ilabina kay gigamit ang iyang ngalan nga walay pagtugot ug wala’y respeto.
Gi-angkon niyang nasakitan, nabalaka, ug nasuko siya sa gihimo sa kongresista.
Matod pa sa aktres, dili kini lahi nga kasinatian tungod kay daghang kababaihan ang makasinati ug sekswal nga mga komento matag adlaw, apan mas hadlok matud pa ang iyang nasinatian tungod kay gikan kini sa usa ka opisyal sa gobyerno.
