BUTUAN CITY – Duha ka adlaw nang wala musaka ang ihap sa mga namatay Las Vegas, Nevada sukad ang katapusang ihap nga 110 niadtong Biernes – oras sa Amerika.
Kini ang gikumpirma sa Butuanon nga si Bombo international correspondent Cathy Tobes – kinsa mao ang kanhi presidente sa Kapisanan ng mga Brodkaster ng Pilipinas kon KBP-Butan City/Agusan del Norte Chapter.
Sa eksklusibong pakighinabi sa Bombo Radyo Butuan, gibutyag ni Tobes nga bisan og home quarantine karon sa Las Vegas apan makadismaya matud pa ang mga residente tungod kay daghan gihapon ang anaa sa kadalanan nga mapruybahan tungod sa padayong paghuot sa dagan sa trapiko, kadaghan sa mga tawong mamalit sa tindahan og anaa sa ilang parke.
Wala usab sila’y gipatumang curfew nga sukwahi sa Pilipinas samtang ang mga pure Amerikano sukwahi kanilang mga Pinoy nga hugot nga nagsunod sa gipatumang palisiya rason nga bisan sa pag-andam sa mga food supplies, ila nang gihimo ug daghan usab ang wala magsuot og face mask.
Samtang base sa pagbutyag matud pa sa iyang mga higayong frontliners, mi-abot ang higayong nahutdan sila og mga face masks ingon man mga gamit sa ospital alang sa mga pasyente tungod na sa kadaghan sa mga nagpoisitibo.
Gani, duna matud pa’y usa ka estado sa maong nasud nga tungod sa kakulang na sa ventilator nga gamiton unta sa mga pasyente apan tungod sa kawala na’y stock, ila na lang gigamit ang alang sa mga mananap aron lang maluwas ang ilang kinabuhi.
