BUTUAN CITY – Nagpagawas na og Executive Order ang lokal nga panggamhanan ning siyudad sa Butuan nga nagtugot na sa back-riding sa motorsiklo nga wala’y barrier.
Usa kini sa mga importanteng impormasyong nakalatid sa Executive Order 43-A nga gipagawas ni Mayor Ronnie Vicente Lagnada kondiin tugutan na ang pag-angkas sa motorsiklo nga wala’y gamit nga barrier basta ang mu-angkas APOR lang kon Authorized Person Outside Residence ug uban sila og puyo sa driver apan kung dili sila kauban og puyo, dili sila mamahimong mobyahe nga walay barrier.
Una nang gipadayag ni Police Lieutenant General Guillermo Lorenzo Eleazar, ang Commanding Officer sa Joint Task Force on COVID-19 Shield, nga gitugyan na nila sa tanang Local Government Units (LGUs) sa nasud kon sundon ba niini ang ilang kamanduang tugtan ang mga motorista nga magpa-angkas nga walay barrier basta nag-uban lamang og puyo sa usa ka balay.
