BUTUAN CITY – Under investigation na ang nahitabong dili makiangayon nga pagpamutol og kuryente sa Agusan del Norte Electric Cooperative kon ANECO ngadto sa pipila ka mga panimalay sa Buenavista Agusan del Norte niadtung Abril 25, ning kasamtangan nga tuig, kon diin lakip sa mga naputlan og kurente si Agusan del Norte Board Member Atty. James Reserva.
Kahinumduman nga gibatikos sa nahisgutang Board Member ang pamaagi sa ANECO sa pagputol sa ilahang kurente sa nahisgtuan nga adlaw tungod kay wala matud pa kini sila maka dawat og notice. Kahibaloan nga sa samang adlaw, daghan usab sa ang mga giputlan og kuryente sa ANECO. Apan reklamo sa mga naputlan, wala matud pa sila mapadalhi og letter kon notice nga putlanan na diay sila, kansa tataw matud pang illegal sumala sa nahisgutan nga abugado.
Sumala pa ni Engr. Erwin Daymil, ang General Manager sa ANECO atul sa pagtambong niini sa Committee of the Whole Consultation kagahapong adlawa sa Sangguniang Panlalawigan sa Agusan del Norte, nasabtan matud pa nila ang nahisgutang reklamo.
Subay niini nga nakalatid matud pa sa Magna Carta for Residential Electricity Consumers nga tagaan pa og siyam ka mga adlaw ang member-consumers arun makabayad adiser putlan gikan pagkadawat niini sa ilahang billing. Dugang niini nga og dili makabayad, kinahanglan matud pang hatagan og notice ang mga kunsumante adiser kini putlan.
Apan sumala pa niini nga ang maong aspeto matud pa ang kinahanglan pa nilang palambuon tungod kay kinahanglan matud pa nga ilahi na nila ang maong notice sukwahi sa naandan nga anaa ra sa billing nga dunay arrears kini i-stipulate, rason nga dili mabasahan sa mga kunsumante.
Subay niini, gihangyo nalang sa opisyal ang mga kunsumante nga mohatag sa ilahang contact number sa mga buhatan sa ANECO sa ingon nga maapil ang mga niini sa mga text blast nga magpahibalo kungkanos-a ug haing dapita sila mamutol.
Dugang sa opisyal nga taliwala pa man sa ka istrikto sa ilahang kompanya, andam mnatud pa gihapon silang maminaw sa mga kunsomante ug modawat og promissorry note ugaling maglisod na og bayad, basta lang kay dunay insakto ug makiangayong rason.
PAG-USBAW SA BAYRONON SA KURYENTE
Alang usab sa pagsaka sa billing sa kuryente, gipaniguro sa opisyal nga taman lamang karong bulana ang nasangpit nga kalisdanan
Sigon niini nga nahitabo lamang kini sanglit duna may adjustment nga gihimo ang ilahang ahensya sa usa niini ka power supplier, rason nga dunay pagsaka sa P0.70 ang billing sa kuryentening bulana.
Pasabot pa sa opisyal nga tungod usab sa kainit sa panahon, mo compensate matud pa ang kunsumo sa kuryente sama sa air-condition, refrigerator ug uban pa.
