-- ADVERTISEMENT --
BUTUAN CITY – Bisan og wala’y bisan piso nga gigasto si surfer Philmar Alipayo sa iyang do-it-yourself (DIY) bouquet nga giputos sa dahon sa saging nga gibutangan og puso sa saging nga gipalibutan og mga buwak, kilig to the max gihapon ang fiance niining si Andi Eigenmann tungod kay mao kini ang misugat kaniya sa kaganinang sayo sa buntag.
Makita sa reaksyon ni Andi ang lapos sa bukog nga kakilig dihang gitunol ni Philmar ang bouquet kansa timaan lang nga dili mag-matter sa babaye kung unsa ka-simple ang buwak nga iyang madawat basta gikan lang kini sa iyang mahal sa kinabuhi.
Bisan ang ilang mga anak nga si Koa ug Lilo apil sa gikilig sa gihatag sa iyang amahan ngadto sa ilang inahan.
