BUTUAN CITY- Gitubag na sa celebrity couple nga sila si Andi Eigenmann ug bana niini nga surfer nga si Philmar Alipayo ang nag viral nga tiktok video sa naulahi kauban ang usa ka babyeng content creator, asa makita nga daw gaan ang pagbati sa duha samtang nag-istoryahanay.
Kahinumduman nga napunting ang mga mata sa mga online marites sa kaminyuon nila ni Andi ug Philmar ning nakalabayng adlaw tungod sa maong viral video, diin naka hukas pa si Philmar nga nakigtabi sa maong content creator samtang anaa kini sila sa may dalanon sa Siargao.
Sumala ni Philmar sa usa ka talkshow nga wala matud pay laing nahitabo kanila sa maong babye gawas sa pakigtabi niini, tungod matud pa kay naka-inom siya niadtung panahona, bisan kinsa nalang ang iyahang gika-istorya. Alayon niini, ning uli ra matud pa siya dayon human sa ilahang panagkukabildo.
Dugang usab sa asawa niini nga si Andi nga siya ang labing nasayod sa iyahang bana, ug nasayod siya nga nag sulti matud pa sa kamatuoran si Philmar, gawas niini, nasayod matud pa siya sa mga typ ni Philmar, ug dili niya tipo ang maong babaye.
Sumala ni Andi nga igo nalamang matud pa siyang nahimoot sa maong video.
Dugang sa artista nga duna silay pagsalig sa matag-usa. Usa lamang matud pa ang nakapaulit ni Andi, ug mao ang kamatuoran nga giupload ang maong video on purpose, ug nga mismong ang babaye pa ang nag upload niini online.
