BUTUAN CITY – Patay sa gilusad nga special operations sa mga sakop sa Joint Task Force Diamond, sa 4th Infantry Division ug Joint Task Force 1 Intelligence kagahapon sa Brgy Kapitan Bayong, Impasug-ong, Bukidnon ang mga target personalities sa Communist Terrorist Group.
Atol kini sa pagpatuman sa Target Packet Waterloo IV batuk nila Vincent Isagani Madlos alyas John, Vince ug Lotus uban sa iyang asawang si Glorivic Belandres alyas Nayun, Edna ug Jen, parehong mga sakop sa National Operations Command sa Communist Terrorist Group.
Narekober gikan sa duha ang ang duha usab ka AK47 rifles, usa ka hand grenade, USB, mga cellphones ug mga subersibong dokumento.
Nasayrang si Vincent Isagani Madlos, anak sa patay na nga si George Madlos o Ka Oris ug Maria Sularte alyas Ka Maria Malaya, membro ug secrtary sa Northeastern Mindanao Regional Committee kon NEMRC.
Photo: CTTO
