BUTUAN CITY – Gi-angkon na nila Aubrey Miles ug Troy Montero nga ang ilang kinamanghurang anak nga babayeng si Rocket na-diagnose og Autism Spectrum Disorder.
Sa ilang tagsa-tagsa ka Instagram account, parehong gi-post sa duruha ang ilang hulagway uban sa ilang anak nga si Rocket nga duna’y parehong statement shirts nga duna’y tataknga “Autism Awareness.”
Ubanan pa kini sa caption nga ‘Autism awareness for Rocket. Yes, our Rocket has ASD, Autism spectrum disorder.”
Gipasabot sa duruha nga wala gilayon nila kini gi-angkon diha sa publiko tungod kay padayon pa silang nagkat-on kalabot sa ASD tungod kay imporante nga ma-edukar sila kalabot niini ilabina nga sa sinugdanan, naglibog pa sila ug gikwestyon mismo ang ilang ktagsa-tagda ka kaugalingon kung ngano ug sa unsang paagi kini nahitabo.
Aminado ang duruha nga duna’y mga tawong magtuong ang mga indibidwal nga duna’y autism mura og buang maglihok-lihok, duna’y mental problems, physical issues ug uban pa dungan sa pag-angkon nga tinuod nga usa kini ka mental apan dili usa ka problema, mahimo usab nga pisikal apan dili isyu ug labaw sa tanan, dili buang.
Ilang gidugang nga ang autism managlahi sa matag-bata dungan sa pagpasabot nga ang ilang anak nga si Rocket duna’y mga common symptoms langay niya nga speech learning, wala’y eye contact, lisod pakigsultihan, usa lang ka butang ang matutukan sulod sa pila ka oras, balik-balik ang himuon sama sa kanunay nga pagdagan-dagan, pagpakpak sa iyang mga kamot, ug paghilak og kusog kaayo kung wala’y tawo sa iyang palibot.
