BUTUAN CITY – Laing amasona na usab ang mitahan ngadto sa pwersa sa 36th Infantry Battalion, Philippine Army nga nakabase sa Brgy. Dayo-an, lungsod sa Tago, Surigao del Sur.
Gi-ila ni Captain Francisco Garillo , Civil Military Operations kon CMO officer sa 36th Infantry Battalion, Philippine Army ang mitahan nga si Llamer Mapa alyas Ka Krista, 26-anyos, residente sa Brgy, Caromata, lungsod sa San Miguel, Surigao del Sur og membro sa Squad 2, Platoon 3 sa Guerilla Front Committee 30 sa Northeastern New People’s Army.
Sigon sa opisyal, nakadesisyon si Ka Krista pagtahan human na-low morale dihang nakita nga mitahan na ang iyang mga lider.
Gawas pa, sulod sa unom ka tuig og lima ka buwan niya sa walhong kalihukan, iya nang na-abandona ang iyang anak.
Alayon niini, gi-enrol na ang maong surrenderee ngadto sa enhanced Comprehensive Local Integration Program kon CLIP kansa mao ang kompletong package intervention program sa gobyerno alang sa mga kanhi rebelde.
Ipa-ilalom usab kini sa sunod-sunod nga konsultasyon og counseling adiser i-uban sa komunidad ilabina nga taud-taud kini sa walhong kalihukan. (Beth Ruiz)
