BUTUAN CITY – Nalandig sa balay-tambalanan ang usa ka amahan human kini misukol sa mga pulis nga musita unta kaniya gawas sa police station sa Barobo, Surigao del Sur human kini gireklamong milugos sa iyang kaugalingong anak.
Naila ang suspek nga si alas Jun Tahudan, 41-ayos, residente sa Brgy. Talisay sakop sa maong lungosod.
Migawas sa inisyal nga imbestigasyon nga nagpa-blotter matud pa sa police station ang asawa sa biktima nga taga-Pangasinan human niini nasayrang gi-unay og kunsumo sa suspek ang 13-anyos nilang anak nga dalagita niadtong Disyembre 28 ning mi-aging tuig.
Mi-apas matud pa sa police station ang suspek ug gipangita ang iyang mga anak kansa wala niya igkita human kini gi-safety sa mga pulis.
Mi-apas usab sa suspek ang iyang kabanay aron pasayron ang mga pulis nga duna kini dalang armas rason nga ila kining gisundan dihang migawas na apan kalit kining mibunot sa iyang armas dayong pusil unta sa mga pulis.
Wala mulampos ang suspek human mikagar ang armas ug dinhi na siya gipusil sa duha ka mga pulis hinungdan sa iyang pagkahagba.
