BUTUAN CITY – Padayon ang pagbaha sa mga pahasubo ngadto sa pamilya Rusillon human nakabsan sa kinabuhi ang mayor sa General Luna, Siargao Island, Surigao del Norte nga si anhing Mayor Jaime Rusillon.
Apil sa nakapa-abot na sa ilang pahasubo ang local government sa lungsod sa Del Carmen pagpanguna ni Mayor Alfredo “Jr” Coro II.
Nasayrang si anhing Mayor Rusillon mao ang instrumental sa kamugnaan sa unang water district sa Siargao og sa Siargao Electric Cooperative, apil na ang pag-develop sa Siargao Tourism hangtud nga nahimo kining Number 1 Tourism Island Destination sa Asya og ang pagdumala sa General Luna kon Siargao gikan niadtong 1970s hangtud sa kasamtangan.
Gipasalamatan usab siya sa iyang mga constituents tungod sa iyang hugot nga tinguha og sakripisyong gihimo aron lang maila ang isla sa Siargao ngadto sa mga surfers.
Kini usab ang nahimong yawe aron bansagan siyang Father of Philippine Surfing.
