BUTUAN CITY – Dako ang pagtoo sa amahan sa 7-anyos nga batang babaye nga gilugos og gipatay nga nakasuyop sa ilegal nga drogas ang suspetsado.
Sigon ni Eric Pahit nga wala siya makadungog nga mogamit sa ilegal nga drogas ang suspek nga si Dondon Acedo, 29-anyos, gwardya, ug residente sa Barangay Basag ning siyudad sa Butuan og nailhan nga palahubog.
Kini tungod sa kangil-ngig sa iyang gihimo nga paglugos og pagpatay sa biktima. Gibutyag pa sa amahan nga mag-agihan ang suspek sa ilang balay diin makita pa niining hatag-hatagan ang iyang anak og estoryahon pa.
Daghan matud pa ang kainom sa suspek og sa alas 2:00 sa kaadalwon gisulod ang iyang balay agi sa pansayan. Gikahibulong usab sa amahan nga wala man sila kamatikod sa suspek bisan ang ilang ero wala usab kapaghot.
Gi-alsa matud pa nga tulog ang iyang anak og gidala sa balay sa suspek og didto niya gipanamastamasan.
Nakadagan pa ang biktima apan nakuha ra gihapon kini sa suspek og milampos gayud kini sa pagbuhat sa kremin.
Sa karun, naglikay ang amahan nga maka-atubang niya ang suspek tungod kay basin dili siya kapugong sa gibating kasuko.
Nagpakitabang nalang sa pagpahiluna sa patay’ng lawas sa iyang anak.
