BUTUAN CITY – Nakutloan sa kinabuhi pila ka gutlo sa dihang anaa sa ospital ang usa ka amahan human kini gi-upper-cut sa anak nga adik pasado alas 5:00 sa nakalabay nga hapon sa Barangay Centro, Lungsod sa Tubigon, Bohol.
Naila ang biktima nga si Santos Leria 48-anyos samtang ang suspek nga anak mao si John Herbert Leria 27-anyos nga parehong residente sa maong dapit.
Sigon ni PSsg. Christian Ombahin sa Tubigon Police Station nga sa wala pa ang pag panumbag sa anak ngadto na sa iyang amahan, ang suspek misudya sa iyang amahan nga gusto niining papahawon ang babaye nga barkada sa namatay nga igsoon sa suspek nga nakipuyo sa ilang balay.
Apan mitubag ang amahan nga pasagdan ra kay walay man kini nanghilabot nga gikasuko sa suspek dayung sumbag pinaagi sa upper cut ngadto sa amahan nga maoy hinungdan sa pagkatumba.
Nasayran nga ang amahan duna na kini blood clot sa iyang ulo maong pila ka oras ang milabay namatay kini.
Gelayon usab nga nadakpan ang suspek nga niadtong higayona wala pa katugpa.
