BUTUAN CITY – Gipa-ila-ila ni re-electionist Agusan del Norte 2nd District Representative Erlpe John “Ping” Amante ang iyang anak nga si Juan Miguel Amante nga magpapili isip gobernador sa lalawigan.
Ang anak nga Amante nagpangidaron og 23-anyos, migradwar nga valedictorian sa Ateneo De Manila diin didto usab kini mihuman sa iyang sekondarya ug sa University of Asia and the Pacific migradwar sa kolehiyo sa kursong Industrial Economics.
Sumala pa sa kongresista, ang iyang anak ang magrepresenta sa bag-ong henerasyon.
Sa eksklusibong pakighinabi sa Bombo Radyo kang Juan Miguel Amante, gipadayag niining nakatutok ang iyang kampanya sa pagpalambo sa programang panginabuhian og mas maayong sistema sa edukasyon kansa mao matyd pa’y kulang sa mga Agusanons.
Samtang mahitungod sa background niini sa politika, gipadayag ni Miguel Amante nga kanunay na siyang kauban sa iyang amahan diha sa katungdanan diin mitabang na kini sa trabahuon.
Miyembro usab siya sa usa ka multi-national organization nga nagtut ok sa paghatag og kalambuan sa kabatan-unan.
Samtang sa hisgutanang pagsutoy sa inflation rate sa nasud, gibutyag niining ang maong problema mugna sa minus nga lokal nga kalambuan ig kakulang sa mga local producers rason nga kinahanglan usab ang pagpaningkamot og pagtinabangay sa gobyerno og uban pang pribadong ahensiya aron masolusyunan ang problema sa inflation rate sa Pilipinas. (Rolan Janea)
