BUTUAN CITY – Gimandu ni Police Regional Office 13 Regional Director POLICE BRIGADIER GENERAL ROMEO M CARAMAT JR ang hot pursuit operation alang sa paspas nga pag–aresto sa suspetsado sa nahitabong pagpanigbas-patay sa Purok-Mabuhay, Barangay Matin-ao, Mainit, Surigao del Norte kagahapon sa alas 5:00 sa hapon.
Ang nasangpit nga ngil-ngig nga kremin mipatay sa 23-anyos nga si Johnny Avila Sequira og ang iyang eight-month-old nga anak nga babaye diin ang suspek igsoon ra usab sa biktima nga nailang si Fred Avila Sequira, 33-anyos.
Base sa taho gikan sa Mainit Municipal Police Station sa Surigao del Norte, ang suspect gitoohang dunay deperensiya sa pangisip nga mutukar sa higayong mapasmuhan.
Sumala sa kapulisan nga ang biktimang si Johnny Sequira nakahiagum ug samad tinigbasan sa iyang walang aping og liog samtang ang iyang anak naputol ang pad sa kamot og naputol usab ang ulo nga hangtud karun padayon pang gipangeta.
Sa imbestigasyon migawas nga nakit-an sa witness ang suspetsado nga mibiya gikan sa pinuy-anan sa mga biktima bitbit ang sundang og bag, midagan kini padulong sa bukirang parte sa lugar. Dinhe na gitan-aw sa saksi ang balay sa mga biktima og nakita nalang ang mga patay’ng lawas sa ilang kusina.
Gi-awhag ni RD Caramat jr ang kumunidad nga motabang sa kapulisan pinaagi sa pagsumbong ugaling ilang nakita ang suspek aron mahatagan og hustisya ang ngil-ngig nga nadangatan sa mga biktima.
Sa karun padayon usab ang gihimong hot pursuit operation sa Mainit Municipal Police Station og 1st Surigao del Norte Mobile Force Company.
