BUTUAN CITY – Midangop ning sibyahan ang usa ka amahan aron ipanawagan ang pagkawala sa iyang anak kagahapon sa hapon.
Sigon ni Antonio Iligan Sr nga taga Barangay Aurora, Prosperidad, Agusan Del Sur, ang iyang anak nga si Antonio Iligan jr nga maoy nawala kagahapon bandang alas 5:00 sa hapon sa may barangay Basag ning siyudad sa Butuan atol sa ilang pagtanom og humay.
Sumala pa sa amahan nga miabot sa maong barangay ang biktima kauban ang duha ka manghod niini aron magtanom og humay niadto pang Disyembre 20.
Pagkumpirma pa niini nga kabuhi-onon ang iyang anak diin kung kini mutukar, maglakaw-lakaw kini apan mahadlok og tawo.
Nitukar matud pa kini niadtong nakalabay nga adlaw, Disyembre 26 human napasaran og kaon atol sa ilang pagpananom.
Bandang alas 2:00 sa hapon sa dihang gihatud kini sa iyang kauban sa payag tungod sa pagtukar sa kabuhi og mibalik ang iyang kauban sa pagtanom.
Sa paghuman sa tanom bandang alas 5:00 sa hapon, wala na didto sa payag ang iyang anak.
