BUTUAN CITY – Mas mikusog karon ang pangalan ni Pinay Tennis star Alex Eala tungod sa iyang pagparot kang kanhi world no. 1 Venus Williams sa doubles opener sa ASB Classic sa Auckland, New Zealand sa score nga 7-6.
Nakig-partner si Eala kang Iva Jovic, ang kampeon sa 2025 Guadalajara Open, batok sa pares usab ni Venus Williams nga si kanhi world no. 3 Elina Svitolina. Ang maong duwa kabahin sa women’s doubles round of 16 ug usa sa pinakagihulatan nga duwa sa torneo.
Gawas sa doubles, gikatakda usab nga maka-agbat ni Eala si Donna Vekic sa iyang singles opener karong adlawa gihapon.
Posible usab nga mag-atbang si Eala ug Williams sa usa ka dakong quarterfinal showdown sa singles kung pareho silang makalusot sa unang duha ka round. Ang ASB Classic nagsilbing preparasyon ni Eala alang ning tuiga.
Tumong sa Filipina tennis ace nga ipadayon ang iyang kusog nga performance human ang malampusong 2025 season, diin misaka siya sa world no. 53 ranking. Usa pa ka set sa kada-ugan ang kinahanglanon sa mag-partner aron sila makasulod sa quarterfinal.
