BUTUAN CITY – Pasok na sa quarterfinals sa Women’s Tennis Association kon WTA 125 Philippine Women’s Open si Pinay tennis star Alex Eala human gipildi ang pambato sa Japan nga si Himeno Sakatsume sa score nga 6-4, 6-0 sa ilang dula kagabii nga gipahigayon sa Rizal Memorial Sports Complex.
Sa unang set, medyo naglisod si Eala human nakalabaw ang Japanese player 4-3 apan gigukod kini sa Pinay tennis player. Sa ikaduhang set, nadomina na ni Eala ang dula ug wala na gipapuntos pa si Sakatsume.
Aminado si Eala nga nag-adjust pa siya sa unang set sa dula ug pag-abot sa second set, nakuha na niya ang iyang composure.
Sunod nga maka-agbat ni Eala si Camila Osorio sa Colombia, kinsa ika-84 sa world ranking sa WTA nga himuon unyang gabii rason nga aminado kining mas lisod unya ang iyang away ilabina nga paspas ug akbtik kining muduwa gawas pa mas daghan kini og kasinatian sa mga world competitions kumpara kaniya.
Aminado si Eala nga medyo nag-adjust pa siya sa mas init klima karon sa Pilipinas tungod kay lahi kini sa Australia kondiin bag-uhay pa lang siya mi-apil sa Australia Open.
Nasayrang kanunay siyang sington dinhi sa nasud rason nga nakatutok siya sa hydration sa iyang lawas dayong butyag nga dili usab makonsiderang bentaha alang kaniya ug sa mga ka-ubanang Asian players tungod kay silang tanan, mu-adjust man sa klima sa mga nasud nga ilang adtuan.
