BUTUAN CITY – Kumpermado nang nakagawas na sa Pilipinas si kanhing Bamban, Tarlac Mayor Alice Guo o Guo Hua Ping sumala sa pamahayag ni Sen. Risa Hontiveros kagahapong adlawa sa Senado. Kini ang gi anunsyo sa Senador human ma-validate ang nasangpit nga impormasyon.
Dugang niini nga kung dili matud pa mahimoan og katubagan isip nasod ang maong “travesty” ni Guo, sama ra nga nagpalaparo ang mga Pilipino kang Guo sa makadaghang higayon pinaagi sa paglapas niini sa mga balaod, patakaran ingon man proseso.
“BREAKING NEWS! Si Alice Guo o Guo Hua Ping ay nakaalis na ng Pilipinas!”
Senador RIsa Hontiveros sa Senate Hearing
Saysay sa Senador nga naka sulod matud pa si Guo sa Kuala Lumpur, Malaysia niadtung Hulyo 18, bandang alas 12 ang takna sa hapon. Dugang sa Senadora nga nagkita usab sila Guo sa iyahang amahan ug inahan nga sila si Lin Wen Yi ug Guo JianZhong sa Singapore, kauban sila si Wesley Guo at si Cassandra Ong.
Kahibaloang ning biya sa China ang ginikanan ni Guo niadtung Hulyo 28. Wala usab makaikyas ang law enforcement sa Pilipinas sa pamahayag ni Senadora Risa, tungod kay sumala niini nga angay matud pang imbistigahan ang maong han-ay tungod sa ilang pagpasagad sa paggawas ni Alice Guo sa Pilipinas.
Una na usab nga gikataho ni Sen. Sherwin Gatchalian, nga gawas sa regular nga agihanan, duna pay ubang pamaagi nga maka gawas sa Pilipinas ang nasangpit nga suspendidong Mayor.
