BUTUAN CITY –Migamit matud pa si dismissed Bamban Mayor Alice Guo og iyang ka-look-alike aron makasibat sa mga awtoridad. Sigon sa source gikan sa National Bureau of Investigation (NBI), una na nang gidusi sa mga operatiba si Guo niadtong Setyembre 5 samtang naghulat og clearance gikan sa Immigration authorities sa Indonesia diin siya inaresto aron ma-uli dinhi sa Pilipinas.
Dinhi gibatikos ang kanhi mayor tungod sa pagpa-notaryo niya og counter-affidavit sa reklamong qualified human trafficking ingon man paggamit niya og doppleganger subay sa gi-isyung NBI clearance kaniya.
Gipakita usab ni NBI Assistant Director for Investigation Service Lito Magno kang Guo ang hulagway sa usa ka babaye nga iyang kanawong ug gipangutana kung siya ba ang anaa sa litrato kansa iyang gipanghimakak dayong butyag nga usa kini sa iyang staff dayong butyag nga slimmer version niya kini.
Una nang gibutyag sa NBI niadtong hinapos sa Hulyo nga pagdungog sa Senado nga duna’y sightings ni Guo sa Bulacan adiser gi-isyu sa Senado ang arrest order batuk kaniya apan wlaa’y nakita o nadakpan ang mga awtoridad dihang ila kining gi-adtuan.
