BUTUAN CITY – Nabati karon ni dismissed Bamban, Tarlac Mayor Alice Guo nga luwas na siya karong anaa na siya sa kostudiya sa Philippine National Police (PNP) human gisundo nila PNP Chief Director General Rommel Francisco Marbil ug Department of Interior and Local Government (DILG) Sec. Benhur Abalos Jr.
Nakabalik na sa nasud si Guo kaganinang ala-1:00 sa kaadlawon, sakay sa usa ka pribadong eroplano gikan sa Indonesia.
Sa iyang pag-atubang sa media, gi-angkon sa kanhi mayor nga duna siya’y nadawat nga mga death threats rason nga nalipay siya dihang nakita ang duha ka mga opisyal tungod kay feeling niya, safe na siya.
Samtang gikomperma usab ni Department of Interior and Local Government Sec. Benhur Abalos ang pamahayag ni Alice pinaagi sa paghatag og katin-awan sa ningkuyanap nga litrato online.
Dismayado usab si Abalos sa mga nadawat niining kritisismo mahitungod sa special treatment matud pa ng gihatag nila kang Guo dayong tin-aw nga ila kining giposasan.
