BUTUAN CITY – Gibulgar ni Mikee Morada nga napunitan na usab sa ikatulong higayon ang asawa niining komedyante nga si Alex Gonzaga.
Kahibaloang niadtung Nobyembre 2020 nagpakasal si Alex ug Mikee, ug sukad niadto, sigi nang makuhaan ang nasangpit nga artista.
Sumala ni Mikee, nahitabo ang ikatulong miscarriage ni Alex niadtung Desyembre 2024 taliwa sa perting pag-amping nga ilang gihimo dihang nasayran nilang buros si Alex, apan sa ikatulong semana, gisugid sa ilahang doktor nga subli na usab kining nakuhaan tungod na usab sa blighted ovium.
“Nakita na namin agad ‘yung embryo, pero wala na siyang heartbeat.”
Mikee Morada
Ang blighted ovium maoy tawag sa wala pagdayon og develop sa embryo sulod sa tiyan sa usa ka inahan. Gikasubo man, pero padayon gihapon nga naglaum ang magtiayon nga magkaanak na.
