BUTUAN CITY – Magdula na sa main draw sa WTA 1000 Dubai Duty Free International Tennis Championships ang Pinay tennis star nga si Alex Eala human gi-upgrade ang iyang slot gikan sa qualifying draw padulong sa main tournament, base sa anunsyo sa mga organizers human siya nakasulod sa Top 40 sa Women’s Tennis Association (WTA) world rankings.
Mao na kini ang kahigayunan nga magtugot kang Eala nga makig kompetensya batok sa pipila sa mga bantugan nga tennis players sa kalibutan sulod sa stacked field sa Dubai, nga naglakip sa world No. 1 Aryna Sabalenka, No. 2 Iga Swiatek, ug No. 3 Elena Rybakina, uban sa 18 sa top 20 nga magdudula, uban pang mga top competitors sama nila Amanda Anisimova, Coco Gauff ug Jessica Pegula.
Ang torneo sa Dubai mao na ang ikaduhang WTA1000 event karon nga season alang kang Eala human sa Qatar Open, ug kini usab ang ikaduhang event niya sa United Arab Emirates human sa WTA 500 Abu Dhabi Open diin nakaabot siya sa quarterfinals.
Ang main draw sa Dubai Duty Free Tennis Championships magsugod sa Pebrero 15.
