BUTUAN CITY – Gikatakdang pagahimoon ang sunod nga dula ni Alex Eala sa Dubai Open ugmang adlawa sa alas 12:30 sa kaadlawon, oras sa Pilipinas.
Maka-agbat ni Alex Eala ang World No. 32 nga si Sorana Cîrstea sa Romania sa Round of 16 sa Dubai Open. Kini human nga mingda-og kini batok kang Jasmine Paolini sa Italy sa score nga 6-1, 7 (7)-6(5).
Sa 1st round nadomina sa 20-anyos nga si Eala ang dula apan pagsulod sa ika-duha nga round wala na magpapugong sa World number 4 nga si Paolini.
Nahimong dikit ang duwa tali sa duha sa ikaduhang set hangtod nga nabaliktad sa Filipina tennis star ang duwa ug midaog.
Ang sunod nga maka-agbat ni Eala nga si Cîrstea usa ka beteranang tennis player nga adunay upat (4) ka singles titles ug unom (6) ka doubles titles sa WTA Tour.
Base sa pagkumpara, si Eala, 20-anyos palang ang makig-agbat sa 32-anyos nga si Cîrstea apan pareho lang ang gitas-an sa duruha nga 5’9.
Sa hisgutanang ranking, ang pinakataas nga nakuha ni Eala ang ika-40 nga rank ning tuiga adiser kini nahagbong sa ika-47 samtang si Cirstea miabot sa ika-21 nga rank niadtong 2013 og sa kasamtangan anaa sa ranked-32.
