BUTUAN CITY – Mihimo og kasaysayan si Filipino tennis star Alexandra ‘Alex Eala sa Miami Open, human mitala og makabilib nga kada-ugan batuk sa kasamtangang Australian Open champion nga si Madison Keys sa straight sets, 6-4, 6-2.
Ang kada-ugan sa 19-anyos nga wildcard maoy nahimong dalan aron maka-abante siya Round of 16, kansa nagtimaan sa usa ka major milestone sa paspas nga pagsaka sa iyang career.
Ang kada-ugan ni Eala batuk kang Keys, ang fifth seed sa torneyo ingon man top 10 player, maoy nagpalig-on sa iyang pwesto sa kasaysayan isip unang Filipino nga naka-abot sa maong kalampusan sa Open Era.
Adiser niini nga kada-ugan, nagpakita na si Eala sa iyang potensyal human gipidi si kanhi Grand Slam champion Jeļena Ostapenko sa second round.
Sa iyang pagpamulong human sa iyang kada-ugan, mapasigarbuhon ang Pinay tennis star sa iyang pagrepresenta sa Philippine tennis diha sa global stage ug sa iyang kahinam nga gi-inspire ang ka-ubanang mga Filipinos.
Nasayrang produkto si Eala sa prestihiyusong akademiya ni Rafael Nadal sukad niadtong tuig 2018, ug gikonsiderang usa sa mga sport’s rising stars.
Una niyang nasakmit ang US Open girls’ singles title niadtong tuig 2022, ug ang iyang kasamtangang mga performances, nagtimaan sa nagkalambo niyang ka-andam pag-compete sa highest levels sa maong pa-ugnat sa kusog.
Karong anaa na sa iyang panig ang momentum, nangandam na si Eala aron agbaton ang 10th seed sa Espanya nga si Paula Badosa sa sunod nga round. Higayong mudaog, musaka pa ang iyang standing ug magbukas sa pultahan alang sa mas dagkong oportunidad sa WTA Tour.
