BUTUAN CITY – Ipa-ilalom sa alert level 1 ang mga lugar palibot sa Mt. Bulusan sa sa Sorsogon human ang pagbusikad niini kaganinang alas-10:37 sa buntag nga mipakurat sa mga residente ilabina nga makita ang baga ug kolor itom nga abo.
Sa interview sa Bombo Radyo Legazpi kang Dr. Paul Alanis, ang resident volcanologist sa Philippine Institute of Volcanology and Seismology kon PhiVolcs, gibutyag niining phreatic eruption ang natala sa bulkan kansa laumang magpadayon pa hangtud sa pagkutlo niini nga balita.
Dili pa mabutyag sa opisyal kung unsa kahabog ang gibugang abo sa maong bulkan tungod kay duna ma’y panganod ang palibot niini.
Gibakwi usab sa opisyal ang kabalaka sa publiko tungod kay bisan og kalit ang pagbusikad, wala’y mga tawo sulod sa 4-kilometer permanent danger zone kannsa permanenteng gidiling sudlan sa mga residente.
