BUTUAN CITY – Wala mi-angkon si Chief Captain Chad Kiat-ong, hepe sa kapulisan sa Buenavista, Agusan del Norte, sa alegasyon sa tulo ka mga mangingisda nga iya matud pang gihulga, gipasakitan, gipa-um-um og buka sa armas og giti-unan aron lang angkunon ang bruta nga pagpatay sa STL teller sa Brgy. Manapa.
Sa eksklusibong pakighinabi sa Bombo Radyo Butuan, gibutyag sa opisyal nga alegasyon pa lang ang gipadayag sa tulo apan kung duna na’y ebidensya ang mga reklamante, adiser na matud pa masulting tinuod kini.
Gipamugos kini sa opisyal taliwa sa kamatu-urang gipahibalo siya nga nagpa-medical na ang mga biktima og nakita nga duna’y lakra sa iyang gihimong pagsipa kanila.
Apan dihang gipangutana na siya sa usa sa mga mangingisda sa rason ngaong gihimo niya kini ngadto kanila, wala na makatingog pa ang hepe dayong putol sa linya sa telepono.
