BUTUAN CITY -Gi-angkon sa aktres nga si Maricel Soriano nga nanag-iya siya sa condominium unit sa Makati City nga nalambigit sa matud pa aktibidad sa ilegal nga droga kapin usa ka dekada na ang nakalabay.
Naapil ang pangalan ni Soriano sa matud pa nag-leak nga mga dokumento sa operasyon sa Philippine Drug Enforcement Agency (PDEA) nga naglambigit sa ubang personalidad sa paggamit sa ilegal nga droga. Gikumpirma sa aktres, nga nanag-iya siya sa condo unit sa Rizal Tower Building sa Makati City.
Kini ang unit 46-C nga nahimong subject sa operasyon sa PDEA niadtong Marso 2012. Apan sumala pa ni Maricel, gibaligya na niya ang nasangpit nga condo unit niadtong 2012 dili lang niya mahinumduman kung unsang buwan kini nabaligya.
Gibulgar usab ni dela Rosa ang reklamo niadtong 2011 batuk sa aktres sa iyang duha ka katabang. Base sa reports, gibutyag sa senador nga mibiya matud pa ang mga nagreklamo sa condo unit sa aktres “tungod sa paggamit matud pa niini sa cocaine.”
Apan gikumpirma sa aktres nga mihawa ang duha ka katabang tungod kay gikawatan siya sa mga niini.
