BUTUAN CITY – Gipadayag ni United States President Donald Turmp nga makabalo ra ang tibuok kalibutan sa musunod nga kapulo ka mga adlaw kung duna ba’y nakab-ot sila nga kasabutan tali sa Iran o kaha muhimo sila og aksyong militar.
Sa unang miting sa iyang Board of Peace sa Washington DC, gibutyag ni Trump nga ang negosasyon tali sa Islamic Republic mahitungod sa nuclear programme, mahimong musangpot sa dautan kung wala’y klarong masabutan.
Madumdumang ning mi-aging mga adlaw, ang US nagpadala ug dugang nga puwersa militar ngadto sa Middle East, samtang adunay progreso nga gi-report sa mga negosasyon tali sa mga Amerikano ug Iranian nga negosyador sa Switzerland.
Ang gobyerno sa Iran nagsulti sa UN Secretary-General nga ilang tan-awon ang mga base sa US sa rehiyon isip lehitimong target kung gamiton kini sa bisan unsang agresyon militar batok kanila.
Ang mga Democratic lawmakers ug pipila ka Republicans nagpadayag og pagsupak sa bisan unsang posibleng aksyon militar sa Iran nga walay pagtugot sa Kongreso. .
