BUTUAN CITY – Mibawos ang Akbayan party-list batok sa mga pamahayag nga gibuhian ni Vice President Sara Duterte human niini gitawag nga “harassment” ug pang-abuso sa impeachment process ang reklamong gi-endorso sa grupo batok kaniya.
Madumdumang sa video nga gipagawas sa besi presidente kaganinang buntag, gipugos sa Bise Presidente nga walay basehan ang maong impeachment complaint.
Apan sumala sa Akbayan, kung tinuod nga walay pulos ang reklamo, dili na unta kinahanglan nga magpagawas pa og video ang bise presidente aron, matod pa nila, atakehon ang grupo imbis nga tubagon ang mga pasangil.
Butyag pa sa Akbayan, igo na ang mga palusot dayong hagit kang VP Sara nga mangandam na sa paghimo og kasaysayan isip unang bise presidente nga ma-impeach og makaduha.
Una nang gikumpirma ni House Secretary General Cheloy Garafil nga nasubmite na sa buhatan ni House Speaker Faustino “Bojie” Dy III ang duha ka impeachment complaints batok sa Bise Presidente.
