BUTUAN CITY – Padayon ang pagkaylap karon sa tsikang nanganak na ang sexy actress nga si AJ Raval, base na usab sa gipagawas nga pamahayag sa talent manager nga si Ogie Diaz human matud pa kini nakit-an sa iyang source sa usa ka simpleng ospital sa Pasig City.
Sigon ni Ogie, duna’y nagkumpirma kaniya ang iyang source nga nanganak na si AJ apan duda siya niini tungod kay bag-uhay lang matud pa giklaro sa amahan niining si Jeric Raval nga dili kini buntis.
Nagtambay matud pa gawas sa ospital ang kanawong ni Aljur Abrenica kinsa naka-face mask ug nakumpirma lang dihang gitangtang niini ang mask.
Gihulatan matud pa niini ang paggawas sa babaye nga gitabunan ang nawong niadtong Nobyembre 19, sa kaadlawon ug gituuhang mao ang aktres kondiin human nanganak, migawas gilayon kini sa ospital.
Sigon pa sa source ni Ogie, Alvarez matud pa ang gigamit nga apilyedo ni AJ inay nga Raval.
