BUTUAN CITY – Nagpadayon pa ang clearing operations sa militar sa mga barangay sa Marawi City partikular sa Basakan area nga duna’y presensya sa mga Maute fighters.
Gikumpirma kini ni Abdul Ghani Acop sa Autonomous Region in Muslim Mindanao-Regional Disaster Risk Reduction and Management Council kon ARMM-RDRRMC sa eksklusibong pakighinabi ning sibyahan.
Gibutyag sa opisyal nga gawas sa clearing operations, padayon usab ang airstrike sa tropa sa kagamhanan aron maseguro ang kaluwasan sa mga sibilyan ilabina kadtong natanggong pa tungod sa kagubot.
Gidugang sa opisyal nga adiser nila sudlon ang usa ka lugar diin duna’y gikatahong presensya sa mga natanggong nga sibilyan, duna pa sila’y advance party nga mga sundalo nga mag-clear sa ilang sudlong lugar.
Aminado ang opisyal nga ang pinakalisod nga sudlong lugar maoa ng Banggulo tungod sa nahabiling mga Maute fighters nga apil sa gigukod sa tropa sa kagamhanan.
Dili niya mabana-bana kung pila na ang ang nahabiling mga Maute fighters apan aminado siyang duna’y mga snipers nga nagkatag sa maong lugar. (Beth Ruiz)
