BUTUAN CITY – Sagol ang gibati sa mga Chinese social media users dihang ningkalat online ang CCTV footage sa usa ka gamay nga robot nga nmidagit sa dagkong mga robots sa showroom sa laing robotics company.
Makita sa maong video ang hinok nga pag-aginod sa gamay nga robot sa showroom diin naka stand-by ang dagko nga mga robots.
Makita usab kung gi-unsa pagpukaw ni Erbai, usa ka AI-Powered robot ang mga biktima niini, dayon hong-hong kanila kung duna ba silay day-off. Madungog usab ang pagtubag sa dako nga robot nga wala sila’y pahulay sa ilang trabaho, ug dinhi na gi-manipular ni Erbai ang sistema sa dagko nga mga robots ug gipasunod kaniya sa gitawag niyang “home”.
Sa talagsaong higayon, ningsunod ang mga dagkong robots sa yamyam sa lain pang robot.
Sumala sa kompanya nga nanag-iya sa AI-Powered robot, usa lamang kini ka test, diin nasayod usab ang tag-iya sa mga biktima nga robots, apan wala na matud pa silay laing gihimo kang Erbai kundili ang pa-code lang niini nga pasundon kaniya ang mga robots sa laing kompanya. G
awas niini, si Erbai na ang nag-code sa iyang kaugalingon sa mga gihimo niining diskarte arun mapasunod ang iyang mga biktima.
Dinhi na nabalaka ang mga social media users sanglit tungod matud pa sa maong video, makita na kung unsa ka gamhanan ang AI nga mamahimo na niining makamanipular og laing mga robots.
