BUTUAN CITY – Dakong dungog ang dala sa usa ka para-athlete dili lang sa lalawigan nga iyang gigikanan sa Agusan del Sur kondili apil na sa Caraga Region ug sa entiro nasud sa Pilipinas human siya nakasakmit og gold medal sa nagpadayong 11th Association of Southeast Asian kon 11th ASEAN Para-Games nga gipahigayon karon sa Indonesia.
Ang 20-anyos nga si King James Reyes nga taga-Loreto, Agusan del Sur, mipatigbabaw sa ubang mga atleta sa athletics men’s 5,000 meter taliwa nga mao pa kini ang iyang unang pagsalmot og kompetison gawas sa nasud.
Sigon ni Reyes, duna pa’y mga higayon nga mabiyaan siya og tag-20 metros sa atleta sa Malaysia apan dihang kamulo siya og tuon sa istilo niini, iya nang nakuha ang angayang buhaton rason nga siya ang migawas nga kampyon.
Ugmang adlawa, tulo pa ka mga events ang iyang dulaon ug mi-apela siya og pag-ampo sa tanang Filipino nga unta masakmit na usab niya ang gold medal sa nasangpit nga mga dula.
Video: CTTO
