BUTUAN CITY– Gikatakdang makigtigi na ang Agusanon nga si Kirby Torrefranca Bas sa ipahigayong Mister Teen Globe 2021 didto sa India human niya nasakmit ang maong titulo atol sa grand coronation night sa Man of the Globe Philippines 2021 kagabii.
Napiling grand winner si Leolin Keannu Dolor gikan sa Davao de Oro kinsa didto usab mu-away sa Thailand.
Samtang ang uban pang mga mananaog mao sila Jay Buday gikan sa Bohol kinsa maoy napiling Man of the Globe-Continental kinsa makigtigi sa iyang ka-ambungan didto sa Mexico; Prince Adrian Dagdag nga gikan sa Minalin, Pampanga kinsa napiling Man of the Globe SupraGlobal nga mu-away usab sa Botswana ug Mark Anthony Julian Paz sa San Antonio, Nueva Ecija kinsa maoy napiling Man of the Globe Ambassador.
