BUTUAN CITY – Opisyal nang gideklarang Association of Southeast Asian Nations kon ASEAN Heritage Park ang Agusan Marsh Wildlife Sanctuary sa lalwigan sa Agusan del Sur.
Kini human gitunol ngaadto sa mga opisyal sa maong lalawigan ang certificate of recognition atol sa 6thASEAN Heritage Parks kon AHPs Conference sa Pakse, People’s Democratic Republic of Lao pinaagi sa ilang Department of Forestry, Ministry of Agriculture and Forestry.
Kini subay na usab sa pagsa-ulog sa ika-35 nga anibersaryo sa 1st ASEAN Declaration on Heritage Parks and Reserves.
Tema sa maong kasa-ulugan karong tuiga ang ‘Sustainability and Innovation for Parks and People—Celebrating 35 years of ASEAN Heritage Parks’.
Mahinumdumang niadtong Nobyembre 8 ning mi-aging tuig 2018, gi-aprubahan pinaagi sa ASEAN Ministerial Meeting on the Environment via ad referendum ang nasangpit nga deklarasyon
