BUTUAN CITY – Muabot na sa 14 ka kaso sa pagtubok ang natala sa probinsiya sa Agusan Del Sur sugod niadtong Enero 2023 hangtud ning panahona.
Sigon ni Police Col. Jovito Canlapan, Provincial Director sa Agusan Del Sur Police Provincial Office nga anaa sa nagkalain-laing edad ang mga biktima nga mikutlo sa ilang kinabuhi sa nagkada-iyang rason.
Sumala pa sa opisyal nga nagbutang na sila og helathline number nga pwedeng tawagan sa mga dunay problema o kaha kadtong walay kasumbungan o walay ka-estorya.
Dunay gibutang sila nga guidance police nga maoy motubag sa tawag og makig-estorya. Samtang ang mga personahe sa Women and Children Protection Desk kon WCPD nakig-koordinar usab sa Department of Social Welfare and Development kon DSWD o sa Municipal Social Welfare and Development aron molibot sa mga barangay og makig-pulong sa mga ginikanan isip paghatag og guidance aro mailhan kung kinsa kadtong dunay gitago nga problema.
Miapil usab ang mga pulis sa seminar mahitungod sa mental health problem kauban ang taga Department of Health kon DOH. Kini aron makatabang ang mga pulis sa mga naghambin sa maong sakit.
Misaad usab si Police Col. Canlapan nga paningkamutan nilang massustinar ang maong mga programa.
Samtang gitumbok niini ang ang lig-on nga relasyon sa pamilya ang pinaka-unang taming aron malikayan ang maong insedente.
