BUTUAN CITY- Nagbangutan karun ang tibook probinsya sa Agusan del Sur human nga mitalian na kagabii pasado alas 9 sa edad nga 90 anyos ang gibansagang Lady Builder ug Political Matriarch sa Agusan del Sur nga si kanhi Gobernador Valentina Galido “Loleng” Plaza o mas naila sa tawag nga VGP tungod sa sakit.
Gilaumang gikan sa kauluhan, dad-on ang patay’ng lawas niini pauli sa probinsya sa Agusan del Sur sa mosunod nga mga adlaw.
Una niini si Valentina “Loleng” Plaza ang asawa ni kanhi Agusan Congressman/Governor Democrito O. Plaza.
Sa eksklusibong pakighinabi sa Bombo Radyo Butuan kang Agusan del Sur Gobernador Santiago Cane, gibutyag niini nga nakabutang na karun sa half mast ang tanang bandila sa matag ahensya sa gobyerno ingun man sa mga public sector sa probinsya sugod kaganinang buntag agig respeto sa mitaliwanang kanhi inahan sa probinsya.
Sumala pa ni Gob. Cane nga maayong inahan matud pa sa tibook katawhan sa Agusan del Sur ang giilang VGP hinungdan nga usa sa iyang dili malimtan niadtong panahon nga anaa pa kini sa katungdanan diha sa probinsya, kanunay matud pa nga gina pahinumdom sa kanhi Gobernador sa mga empleyado ang perming pagduol diha sa labaw’ng makagagahom.
