BUTUAN CITY- Nanguna ang probinsiya sa Agusan Del Norte sa pinakadaghang napa-insured nga baboy sa tibook rehiyon sa Caraga.
Kini ang pagkumpirma ni Philippine Crop Insurance Corporation kon PCIC Northern Mindanao Marketing & Sales OIC Roy Arthur Alamban.
Pagbutyag pa ni Alamban nga sa Agusan Del Norte muabot sa 11, 961 ka mga baboy ang gipa-insured sa 4,381 ka mga mag-uuma. Gisundan kini sa Agusan Del Sur nga dunay 10,255 ka mga baboy nga na-insured samtang ang Surigao del norte Adunay 9, 405 ka mga baboy, Surigao del sur dunay 8,144 ug Dinagat Island ang pinakagamay nga duna lay 13 ka mga baboy.
Sa maong ihap, 125 pa lang ang nakakuha sa mukabat 949 mil ka pesos. Gipasabot usab ni Alamban ang livestock insurance nga mag-cover sa mga apektado sa ASF.
Sumala pa sa opisyal nga muabot na sa 10,000 pesos ang mabayad ngadto sa matag baboy apan ang 6 ka bulan na nga baboy mabayaran kini og 14, 500 pesos.
Gawas sa ASF lakip usab sa maong insurance ang mamatay nga baboy tungod sa ubang sakit sama sa pneumonia, parasitic disease, rabies, heart attack, ug uban pa.
Samtang giklaro pa niini nga ugaling dunay himoong depopulation, kinahanglang present niini ang PCIC representative kauban ang barangay security officer ug veterinarian.
