BUTUAN CITY – Andam na ang tanan alang sa ika-57 nga anibersaryo sa Agusan del Norte ug ika-10 nga kasaulogan usab sa Sadow Festival.
Sigon ni Edgar Palarca Jr., ang hepe sa Community Affairs sa Agusan del Norte provincial government, han-ay na ang tanan gikan sa pag-abli sa among kalihukan karong Hunyo 11.
Nagtangag ang kasaulogan sa temang minanubo nga “Igsaulog Ta Kan Mgo Kadaugan Ta Pinaagi Tu Pagkabugkos Dow Pagpanag-udon” kon Pagsaulog sa atung mga kadaugan pinaagi sa panaghiusa ug panag-uyon.
Sumala sa opisyal, importanteng masayran sa tanan nga gihimong minanubo ang tema sa maong kasaulugan ning tuiga, aron paghatag og bili sa maong tribo kansa maoy pinaka-unang lumolupyo ning probinsyae.
Gipasabot sa opisyal nga bisan kon lakip sa mga existing nga tribo sa lalawigan ang mga Mamanwa ug Higaonon, apan ang Mamanwa gikan man sa Surigao, ug ang Higaonon usab gikan sa Bukidnon.
Pasabot usab niini nga walay relihiyon nga gituboy sa Sadow Festival, tungod kay selebrasyon raman kini sa pagsugat sa atung mga katigulangan sa mga bisita sa unang panahon pinaagi sa sayaw.
