BUTUAN CITY – Desididong mupasaka og kaso ang Commission on Elections kon COMELEC-Caraga batuk sa usa ka indibidwal nga nagpakatag og pekeng balita sa social media may kalabutan sa piniliay.
Sigon ni Atty. Geraldine Samson, Assistant Regional Director sa COMELEC-Caraga, nagpagawas na og show cause order ang buhatan aron mag-explain ang maong indibidwal nga nasutang taga-Talacogon, Agusan del Sur.
Sigon sa opisyal, human nakita ang maong fake news, nga matud pa duna na’y gibotaran sa pagka-mayor, gilayong gipatawag sa provincial Eleciton Supervisor sa COMELEC-Agusan Del Sur ang hepe sa kapulisan aron pangitaon ang nag-post niini diin malampuson usab nga ilang natumbok.
Nag-public apology na matud pa kini apan disedido silang mupasaka og kaso tungod kay ang iyang gihimo makaguba man sa integridad sa umaabot nga election. Kini usab matud pa ang ilang gihimo sa insidente nga pagpakatag og fake news didto sa Surigao Del Sur.
