BUTUAN CITY – Sa tumong nga ma-promote ang paglambo ug innovation sa mga aspiring young ‘agripreneurs’, ug pag awhag kanila nga ipadayon ang ilang kasibot, entrepreneurial spirit, ug commitment aron mabuhat ang mga papel sa agricultural development sa umalabot nga panahon, gipahigayon ang Agripreneurship Product Exhibit and Pitching, sa North Eastern Mindanao State University – Tagbina campus pinaage sa Department of Agriculture sa pagpanguna ni Faculty in-charge Nancy S. Doloriel.
Ang maong kalihukan gitambungan usab sa taga Agricultural Training Institute-Regional Training Center-Region 13 ATI-RTC XIII diin ang kalihukan nagsabak sa temang “Sustaining the Future: Young Agripreneurs for a Greener Tomorrow,” ang event nagfeature sa lapas 40 ka mga grupo sa estudyante diin nagshowcase sa innovative agricultural products and pitches.
Ang resource persons ug panelists atol sa pitching sessions gilangkuban nila Warlito M. Untua, Municipal Agriculturist sa LGU-Tagbina, Jennylyn E. Cardino sa Department of Agriculture-Tagbina Research Station, ug Mary Grace B. Salve, MPS II sa ATI-RTC XIII. Ms. Salve diin nag present sa training and extension programs nga gioofer sa ATI, nga nakadesenyo sa designed pag-enhance sa youth engagement sa agricultura.
