BUTUAN CITY – Pormal nang gi-ablihan kaganinang buntag sa Butuan City Agriculture’s Office ang Agrimart Flagship Store sa may Langihan Van Terminal kansa mao ang retail store sa Agri-Boost project.
Sa eksklusibong pakighinabi ning sibyahan, gibutyag ni Butuan City Agriculturist Engr. Pierre Anthony Joven nga ang maong tindahan maoy paagi aron mapa-abot ngadto sa mga konsumidor ang abot sa mga mag-uuma nga ilang gidala sa mga Agri-hubs kansa binulto nga mupalit sa abot sa mga mag-uuma.
Gibutyag sa opisyal nga padayong nag-operate ang maong proyekto ilabina sa ilang senemanang operasyon kondiin ning nakalabay nga tulo ka mga semana, ilang natala ang pinakataas nga delivery sa mga mag-uuma ngadto sa ilang agri-hub nga mi-abot na og 10-mil kilo matag-semana. Pinaagi matud pa sa Agrimart Flagship Store, mas barato ang presyo sa mga gulay nga mapalit sa mga konsumante.
