AFP nag-isyu og 50K ka mga radio challenges karong tuiga vs mga barkong mu-agi sa atong territorial waters

BUTUAN CITY – Kapin kon kulang 50,000 ka mga radio challenges ang gi-isyu sa Pilipinas batuk sa mga sakyanang pangdagat nga mi-agi sa territorial waters ug sa exclusive economic zone (EEZ) sa nasud karong tuiga.

Sigon ni  Armed Forces of the Philippines chief General Romeo Brawner Jr., nag-anam na kaduol ang pipila ka mga barkong panggiyera sa China sa kadagatang sakop sa Pilipinas. 

Sigon ni General Browner, duna’y ubang mga barko ang mitubag sa mga radio challenge sa Pilipinas samtang duna usa’y uban nga wala. 

Giklaro sa AFP chief nga ang pila ka parte sa kadagatan sa Pilipinas gikonsiderang international maritime highway rason nga daghang maritime, commercial, apil na ang mga barkong panggiyera ang mu-agi sa maong  lugar.