BUTUAN CITY – Duna na’y nakahan-ay nga mga lakang ang Armed Forces of the Philippines kon AFP aron agbaton ang ‘Anti-Trespassing’ policy sa China sa parte sa West Philippine Sea nga ipatuman sugod karong adlawa, Hunyo 15.
Sigon ni Armed Forces of the Philippines Chief of Staff General Romeo Brawner Jr., duna sila’y gihimong mga preparasyon ka-uban ang nagkada-iyang concerned government agencies sama sa Philippine Coast Guard, Philippine National Police, Bureau of Customs, Bureau of Fisheries and Aquatic Resources ug uban pa, aron agbatan ang detection policy sa Beijing ilabina sa mga teritoryong sulod matud pa sa gihingusgan nilang 10-dashline.
Aminado si Brawner nga nabalaka sila sa maong isyu apan iyang giklaro nga wala kita’y angayang kahadukan tungod kay ang maong lugar, klarong parte sa exclusive economic zone kon EZZ sa Pilipinas.
Gi-awhag pa sa opisyal ang mga mangingisda nga ipadayon ang ilang inadlaw-adlaw nga buluhaton sa West Philippine Sea tungod kay kanunay silang nag-monitor sa sitwasyon sa maong kadagatan.
Gidugang pa sa heneral, dili sila magpatarog sa palisiya sa China nga gipatuman na karong adlawa rason nga magpadayon ang ilang maritime patrol sa maong lugar apil na ang troops’ rotation ug resupply mission sa BRP Sierra Madre sa parte sa Ayungin Shoal.
Daghan matud pa og mga paagi aron mahatdan og mga supply ang mga sundalong naka-station sa BRP Sierra Madre.
